Baluarte

Baluarte Auditorioa eta Kongresu Jauregia Nafarroan aitzindaria da, bai MICE jardueran (kongresu, bilera eta ekitaldietan), bai musika eta dantzako arte eszenikoei buruzko kultur jardueran. Era berean, eraikinaren aldakortasunak -Patxi Mangado arkitekto nafarrak egina, 2003an inauguratua- mota guztietako ekitaldiak hartzeko aukera ematen dio, hala nola erakusketak -formatu handi, ertain eta txikikoak- , jaialdiak -jaialdi ugariren egoitza nagusia da, hala nola Punto de Vista eta Pamplona Negra (NICDO koordinatuak)- ; galak, sari-banaketak, etab.

Espainiako Kongresu Jauregi handienen artean dago, eta 63.000 metro koadroko azalera du guztira, 900 ibilgailutarako edukiera duten lurpeko bi aparkalekuak barne.

Beste abantaila handia du, Iruñeko erdigunean dago, eta kokapen pribilegiatua du hiriko merkataritza eta aisialdi-eremu dinamikoenaren eta Iruñeko  XVI. mendeko Gotorlekuaren artean, gaur berdegune bilakatuta.