Iruñeko Planetarioa

Iruñeko Planetarioak, NICDO sozietate publikoan integratuta dagoenak, zientziaren eta STEM (Science, Technology, Engineering and Mathematics) gaitasunen dibulgazioa du eginkizun nagusi –ireki zenetik ,  1993an-, hainbat programaren bidez; besteak beste, Izar Eskola – 2022-23 ikasturtean hogeita hamar urte bete zituena- eta Planeta STEM programa, 2017an hasi zena.

Programa nagusi horien inguruan -eta beste batzuen inguruan, hala nola Pirinioak La Nuit- , hainbat jarduera antolatzen dira, hala nola hitzaldiak, ikastaroak, biltzarrak, erakusketak, ekitaldiak, tailerrak, kontzertuak eta abar, adin guztietako jendeari zuzenduak, baina bereziki gazteei begira. Era berean, Unibertsitatea, Berrikuntza eta Eraldaketa Digitala, Hezkuntza, eta Nafarroako Gobernuaren Kultura eta Kirol sailek ere laguntza  eman diote kultura zientifikoa bultzatzeko .

Planetarioak, gainera, bere produkzioak egiten ditu, Iruñeko Planetarioan eta Espainiako eta Espainiatik kanpoko beste planetarioetan ikus daitezkeenak.

Halaber, Iruñeko Planetarioaren dibulgazio eta hezkuntza zientifikoko jarduerek “La Caixa” Fundazioaren laguntza dute.

Aretoak (Tornamira aretoa, erakusketa-aretoa, Ibn Ezra hitzaldi-aretoa, Martin de Rada teknologiakoa, liburutegia eta prentsa-aretoa) alokatu egin daitezke hainbat jarduera egiteko, hala nola bilerak edo biltzar txikiak.